Hamari jild ko naram o mulaim aur khoobsurat rehne ke liye munasib nami ki zaroorat hoti hai. Agar kisi wajah sey nami ki munasib miqdaar jild ko mayassar na ho tou ye khushk ho jati hai. Baaz mard aur khawateen ki jild qudrati tor per khushk hoti hai jo koi sangeen masla nahi hai. Khushk jild ki munasib dekh bhaal kay liye mandarja zail tips per amal karen.
Neem garam paani ka istemal:
Ziyada waqt nahanay sey jild khushk ho jati is liye neem garam paani se sirf 5 sey 10minute tak nahain. Nahanay key baad khushk toliye sey jild ko is tarha saaf karen kay jild thori narm rahe aur saaf karne kay foran baad jild per moisturizer lagayen.
Chehray per tamatar ka istemal:
Aik adad darmiyaan size ka tamatar kaddu kash ker lein. Iss mein aik khanay ka chamach malai mila kar achi tarha phaint lein aur khushk jild per laga lein. 15 minute kay baad neem garam paani sey mun dho lein. khushk jild kay liye yeh behtareen totka hai.
Zaitoon ka tail:
Aik khanay kay chamach Zaitoon kay tail mein do khanay kay chamach doodh mila ker paste bana lein. Iss paste ko 10 sey 15 minute kay liye haathon aur chehray ki khushk jild per laip karen. Aakhir mein roi kay tukron ko neem garam paani mein bhigo ker jild ko saaf ker lein.
Post a Comment